Өсвөр насныхны хувьд арьсны бүтэц нь насанд хүрсэн хүмүүсээс дахин нимгэн байдаг тул маш амархан эмзэгшил, улайж, бичил гэмтлүүд бий болдог. Тийм учраас бага наснаасаа эхлэн "эрүүл арьсны суурийг бий болгох" арьсны хамгаалалтыг бэхжүүлэх зөөлөн бүтэцтэй, ургамалын аюулгүй найрлагатай бүтээгдэхүүнийг сонгон хэрэглэх нь чухал байдаг.

Арьсны хамгийн гадна талын давхрага болох хамгаалалтын ханан бүрхүүлийг гэмтээж, цочроохгүй байх нь сайхан, эрүүл, гэрэлтсэн арьсны эхлэл юм.

Арьсны барьер гэдэг нь арьсны хамгийн гаднах давхарга бөгөөд бидний арьсыг хамгаалах “хамгаалалтын бүрхүүл” гэж ойлгож болно. Арьсны барьер доорх чухал үүргүүдийг гүйцэтгэнэ. Үүнд:

• Чийгшлийг түгжих – Арьсыг хуурайшиж, бичил гэмтэл үүсэхээс хамгаална
• Гадны нөлөөнөөс хамгаалах – Тоос, бохирдол, бактери, химийн бодисоос хамгаална
• Арьсны тэнцвэрийг хадгалах – Тослог, чийгийн балансыг тэнцвэртэй байлгана

Арьсны барьер гэмтэх үед:

• Арьс хуурайшиж таталдах, арьс гуужих /заримдаа усаар угаах үед зүүгээр хатгаж байгаа мэт зовиур мэдрэгдэнэ/
• Улирал солигдох үед арьс улайж, загтнаж, эмзэгших /зарим үед халуу дүүгэх, хорсох мэдрэмж төрнө/
• Батга, үрэвсэл амархан үүснэ, дахин давтан гарна
• Арьс ширүүн, барзгар болно
• Бүтээгдэхүүнд мэдрэг болно

Арьсны гэмтсэн барьерийг нөхөн төлжүүлэхийн тулд аль болох тайвшруулах, эмзэгшил бууруулах, зөөлөн бүтэцтэй бүтээгдэхүүн хэрэглэнэ.

Гуужуулалт хоорондын зайг ихэсгэнэ, хэт гуужуулалт хийж болохгүй. Нарны хэт ягаан туяанаас хамгаалж нарны тос тогтмол түрхэнэ, хэт хүчиллэг бүтээгдэхүүн хэрэглэхгүй байх шаардлогатай.