Гарын арьс эмэгтэй хүний насыг илэрхийлнэ

Гарын арьсны онцлог

1. Тосны булчирхайгүй - Гарын арьс нь биеийн бусад хэсэгтэй харьцуулбал хөлс, тосны булчирхай маш багатай бөгөөд өөрийгөө чийгшүүлэх хэмжээний тос ялгаруулж чаддаггүй тул байгалиасаа өөрийгөө чийгшүүлэх чадвар муу байдаг.
2. Зузаан эвэрлэг давхарга - Арьсны эвэрлэг давхаргыг цаг тухайд нь гуужуулахгүй бол гарын үхэжсэн арьсны эсүүд улам ихээр хуримтлагдаж гарын хэсэг ширүүн барзгар болох нэг чухал шалтгаан болдог.
3. Гадны хүчин зүйлсийн нөлөө - Гар нь ихэвчлэн ус болон бусад "гадны хүчин зүйлс"-ээс болж хуурайшдаг бөгөөд ихэвчлэн өдөр тутамдаа хэрэглэдэг цэвэрлэгээний бүтээгдэхүүнүүд нь гарын арьсыг маш их цочироодог. Үүнээс гадна гар нь бага температур, чийгшил багатай агаарт /ялангуяа хүйтэн цаг агаарт/ удаан хугацаагаар байхад гар хуурайшиж, улайж, бичил гэмтэл үүсэхэд хүргэдэг.

Гарын арчилгааг тогтмол хийх нь арьсыг залуу байлгах гол хүчин зүйл

• Химийн нэмэлт найрлагагүй органик гарын тосыг хэрэглээрэй.
• Оройн арчилгааг тогтмол хийснээр гарын арьсыг тогтмол чийглэг байлгаж, үрчлээ үүсэхээс сэргийлж, бичил гэмтлээс хамгаална. Орой унтахын өмнө өөрийн хэрэглэдэг гарын тосоо хэрэглэж гарын арьсаа хамгаалаарай.